مهــــــــــــــــــــــــــــــــــــــــــم

ال كتير مننا لما بتنزل تشترى لبس بتدوخ و تدوخ اللى معاها، وفيييييييين لما نلاقى حاجة تعجبنا، و ساعات نقيس لما نهلك و مانلاقي حاجة لايقة علينا!
.
عشان نحل المشكلة هذىرحنا لمصممة الأزياء هبة إدريس و سألناها عن الموديلات اللى تليق على أشكال الجسم المختلفة و تخلينا نظهر فى أحسن شكل و تقلل من اللف و الدوخة لما ننزل نشترى لبس. هبة قالتلنا ان الصح هو ان البنت تلغى فكرة “أنا ماينفعش البس دة و دة مش هايليق عليه” و انها تفكر فى اللى ممكن تلبسه و يليق عليها لأن تفكيرها فى اللى مش هايليق عليها تضييع وقت، غير انه بيقلل من ثقتها فى نفسها و مظهرها. و قالتلنا شوية نصايح تساعدنا نعرف ايه اللى يليق على كل جسم:




الرقبة الطويلة و الرفيعة :
اذا كانت رقبتك طويلة فلبس البلوزات الهاف كول و الهاى كول و المربوطة حول الرقبة هايليق عليكى جدا لأنه بيساعد على اخفاء جزء من الرقبة و بالتالى تقليل طولها. و ممكن تلبسى كوفية أو ايشارب على رقبتك للوصول لنفس النتيجة.








الرقبة القصيرة:
الرقبة القصيرة بتناسبها فتحات الرقبة الواسعة بأشكالها المختلفة الدائرية و المربعة و أحسنهم الفتحة على شكل السبعة واللى بتدى إحساس بطول الرقبة – حتى لو فوق بدى –







الأكتاف الضيقة:
إذا كان عرض أكتافك قليل حاولى تقسمى عرض كتفك بلبس حمالات أو كت فوق كم و بلوزات أو فساتين فيها عدة حمالات أو كم مقسم .



الأكتاف العريضة:
عشان تقللى من عرض الأكتاف حاولى تلبسى موديلات تحيط بكتفك و تحدده زى الفتحات السابرينا و الواسعة عموما – دائرية، مثلثة أو مربعة – و زى الشال اللى بيخفى كتير من عرض الكتف.

الأذرع الرفيعة:
الأكمام الواسعة و اللى فيها قصات و حركة هى الأنسب للأذرع الرفيعة لأنها بتضيفلها حجم.





الأذرع الممتلئة:
الأنسب للأذرع الممتلئة هى الأكمام الطويلة المتوسطة الاتساع لأن الأكمام الضيقة جدا و الواسعة بيبينوا الحجم و يزودوه.



البطن:
لاخفاء البطن البارز ممكن تلبسى بلوزة أو فستان على شكل كورسيه أو بقصة أمبير – تتسع من تحت الصدر فتخفى البطن –







و نقطة تانية مهمة وضحتهالنا هبة ان مافيش حاجة اسمها اللون ده بيتخن أو يرفع و إن معظم الناس بتليق عليها كل الألوان، المهم هو قصة الموديل اللى هاتختاريه و اللى بتحدد شكله عليكى.
أهم حاجة فى الحكاية كلها بقى هى ثقتك فى نفسك و فى اختياراتك اللى مش لازم تتهز لأى سبب مهما كان و فى الآخر بنقولك ماتقوليش ماينفعنيش و ركزى مع اللى ينفع.



==

يارب يعجبكم الموضوع